استلمت اول طلب لي .. ممكن مساعدة ؟
لو سمحتوا انا جالي اول اوردر وانا المفروض اني انا الي هشحنه للعميل بس مش عارف ايه الخطوات ؟ ممكن حد يفيدني ؟
يعني هطبع كشف الشحنة واعمل بيه ايه او احطه فين ؟ وهل عادي لو بعتت الأوردر في كرتونة امازون من عندي ؟
والشحن بيكون في شركة ايه ؟
ممكن بعد اذنكم ححد يقولي المفروض اعمل ايه بالخطوات مشكورين
Seller_JPjL7duiMaKEX
1- الاول هتعمل جدولة للاوردر
2- هتلقى صفحة فيها بيانات العميل وبيانات المنتج خالى بالك من الارقام للوزن المنتج لانها بتكون مش منطقية ساعات
وده بيزود فى تمن الشحن عليك
3- هيظهرلك المعاد الى حابب تسلم فيه المنتج لو المنتج جاهز هتختار تانى يوم وهيتواصل معاك المندوب
4-5-6- طباعة البوليصة لو انت عندك طابعة هتوصلها بالكومبيتر وتطبع البوليصة على طول
لو معندكش طابعة هتحفظ الملف PDF
هتخده على فلاشة وتطبعه من عند اى مكتبة
اما الشحن بيكون عن طريق شركة تبع لامازون اسمها Qexpress
الوقت الى حدد فيه اللاستلام هيكلمك المندوب
-
اما مواد التغليف هتطلبها من امازون
eg-packaging-material@amazon.eg
من هنا على حسب ابعاد المنتج بتاعك بلغهم بنوع المنتج
هيبعتوا ليك اكياس تغليف المندوب الى هيستلم هيساعدك فى التغليف لاول مرة -
لو المنتج بتاعك حاجة بتكسر خالى بالك لازم تغلفها كويس فى بابل هتلقيه عند اى بتاع بلاستك او موان
4 replies
Seller_1naiytzjDkSq2
اولا هتدخل على الطلبات ثم تعمل بحث هيظهر ليك الطلب هتدوس على اول اختيار فوق على الشمال عشان تقول انك هتجهز الطلب و من بعدها هتحدد اليوم اللى هتجهز فية الشحنة و هيظهر ليك كل بيانات العميل و الشحنة
Seller_uQQkgoGcjCtQL
اذا انت مفعل الشحن الذاتى هتطبع ورقة ال باك سلب
وهتشحنها على طول مع شركة شحن بمعرفتك بعد متقفل الحاجه كويس وتغلفها وتحطها بكيس امازون او كرتونة امازون وعليها الورقه اللى طبعتها من الخارج
ملحوظه هامه
يفضل تتعامل مع شركة شحن لها ارقام تتبع لكل الشحنات عشان هيتطلب منك تدخل رقم التتبع فى خانه بعد متأكد انك قمت بالشحن