المنتج رجع متبهدل و متكسر و مش عارف أعمل أيه

السلام عليكم و رحمة الله و بركاته
أوردر ماكينه قهوه فحصته وقت الشراء و قبل التغليف و الشحن للعميل و صورته من جوه كمان
أنا مكاني في إسكندريه و العميل مكانه في إسكندريه
المنتح خط سيره كان إسكندريه العاشر من رمضان لإسكندريه تاني
كلمت خدمة العملا وقتها ليه سافر من إسكندريه للعاشر من رمضان و هيرجع تاني إسكندريه قالولى عشان يتفحص و يتأكدوا أنه سليم و ده إجراء عشوائى عشان التأكد من سلامة المنتج ، و ده شئ فرحني و طمنى لأنى كده هضمن أن شغلى سليم

العميل أستلم المنتج يوم ١٧ / ٥ / ٢٠٢٣
و قدم طلب إسترجاع يوم ١٩ / ٥ / ٢٠٢٣
و إنهارده ٢٤ / ٥ / ٢٠٢٣
كل ده و أنا معرفش لأنه أول مره يجيلي مرتجع و موصليش إيميل ولا أتكتب علي الطلب نفسه أى حاجه غير تم
إنهارده و أنا بسلم أوردر لمندوب الشحن لقيت الأوردر مرتجع و مستخدم و مكانه بن و مكسور من كذا مكانالتسليم إلى المشترى

يعني إذا أستلمه العميل من الأساس مكسور بالمنظر ده مكانش إستخدمه و حط مايا و الدورق يشتغل كمان
لأنه إذا أتحط فيه مايا هيسرب على طول لأن تانك التعبئه متكسر
فأزاى أتحط فيه مايا و بن و تم إستخدام الدورق نفسه و غطا الدورق أتكسر ؟
ده غير قطعات كتيره جدا في الكرتونه
الجهاز يعتبر total lose حاليا بسبب سقوط أو كسر أو إهمال

أول ماشوفت الجهاز كلمت الدعم الفني هاتفيا عشان المكالمات تكون مسجله
و شرحتلهم أنه المنتج أتفحص منى و فى العاشر من رمضان و أنه العميل أستخدمه و أكيد ٩٩% أتكسر منه لأنه مستخدم بالبن بتاعه
فقالولى وارد يكون أتكسر أثناء الشحن أو من العميل
و قالولى أدامك حلين

أعمل أسترداد المبلغ للعميل
يعني أرجع للعميل فلوسه
قولتلهم أزاى أنا متأكد أنه ٩٩% العميل هوا إلى كسره لأنه مستخدم
و لو كان مكسور من الأول مكانش عرف أصلا يستخدمه

قالولى عشان تتعوض لازم الأول تعمل أسترداد المبلغ للعميل و فيه ناس هتفحص الشكوى و تعوضك
قولتلهم طيب أنا هتعوض من مين إذا كان العميل أنا متأكد ١٠٠% أنه كسره بعد الإستخدام
فهرجعله الفلوس و أدور أنا على حقي بعدين ؟

قالولى العميل لو كلم خدمة العملا هيرجعوله الفلوس و ساعتها مش هتتعوض !!!

فأنا دلوقتي مبقتش عارف أعمل أيه ؟ الخساره دى أكتر بكتييييير من مكسبى علي أمازون طول فترة الشغل معاهم
و مازال الفلوس فى الحساب

متوفر معايا صور للمنتج قبل الشحن و بعد الإسترجاع و المكالمه بيني و بين الدعم الفني لتوضيح أنه تم فحصه